GWENOLA COIC
Troerez
Desket he deus komz brezhoneg war barlenn tud he familh. Bremañ e tesk brezhoneg d’he bugale, ha d’ar grennarded war an deiz, d’he zro. Evit he flijadur e kemer perzh e meur a gevredigezh a-benn reiñ ton d’ar yezh ha d’ar sevenadur. Nevez zo eo krog da labourat gant strollad an Teatr Piba war an treiñ hag an adlenn.
Evit Heklev, Gwenola a zo kenurzhierez war ar skrivañ, ar produiñ hag ar seveniñ.
THOMAS CLOAREC
Sevenour
Leurenner ha komedian abaoe ouzhpenn 25 bloaz, Thomas a zo rener arzel Teatr Piba abaoe 2009. Krouiñ a ra ivez podkastoù e brezhoneg abaoe 2015.
Evit Heklev, Thomas a zo kenurzhier war ar skrivañ, ar produiñ hag ar seveniñ.
ANNA LINCOLN
Produktourez
Produktourez teulfilmoù ha faltazioù evit ar skinwel abaoe ur pemzek bloaz bennak, Anna he deus kroget da broduiñ podkastoù evit radioioù kevredigezhel Breizh nevez ’zo.
Evit Heklev, Anna a zo e-karg eus ar produiñ.
KRISMENN
Komedian | Muzisian
Sevel rap ha kanaouennoù e brezhoneg a ra daoust dezhañ bezañ bet maget gant ar gwerzioù hag ar c’han-ha-diskan. Komedian war an advouezhiañ eo ivez hag abaoe 2019 e labour gant an Teatr Piba. Reiñ a ra ar c’hoariva ar c’hoant dezhañ da skrivañ. Emañ o kregiñ gant ul labour nevez war an dud klañv gant Alzheimer. Hag abaoe un nebeud mizioù en deus Erik Marchand leusket e blas dezhañ e penn Kreiz Breizh Akademi.
Evit Heklev, Kristof a zo kenurzhier war ar skrivañ, ar produiñ hag ar seveniñ.
MAI LINCOLN
Sevenourez | Komedianez
Sevenourez teulfilmoù ha komedianez, Mai he deus sevenet he film faltazi kentañ ar bloaz-mañ "Ki ma mamm" evit ar skinwel. Labourat a ra evel komedianez evit an advouezhiañ hag e 2022 he deus sevenet ar faltazi radio "Louise an arzhed".
Evit Heklev, Mai a zo kenurzhierez war ar skrivañ, hag ar seveniñ.
JEAN MARI OLLIVIER
Ijinour war ar son
Ijinour war ar son e bed ar c’hleweled abaoe 2007, Jean-Mari a tap ar son war an dachenn, ober a ra war-dro an teknik e ti Dizale evit an advouezhiañ ha kemmeskañ a ra ivez ar son evit raktresoù lieseurt : filmoù, levrioù CD evit TES ha faltazioù radio ivez.
Evit Heklev, Jean-Mari a zo e-karg eus ar son hag an teknik.
GWENOLE PEAUDECERF
Merour son
Merour ar son hag an teknik ez eo Gwenole evit an Teatr Piba abaoe 2014 hag evit Derezo abaoe 2017. Gant skipailh Piba eo e ra anaoudegezh gant bed ar faltazi radio o kenlabourat gant skipailhoù Dizale, Kalanna ha Radio Kerne.
Evit Heklev, Gwenole a zo e-karg eus an teknik hag ar son.
